Zaxarova Yerevanla Ankara münasibətlərinin normallaşmasından danışdı

Biz hesab edirik ki, Yerevanla Ankara arasında münasibətlərin normallaşması regionda ümumi vəziyyətin sağlamlaşdırılmasına xidmət edə bilər.

Nəzər Media.az Trend-ə istinadən xəbər verir ki, bunu Rusiya Xarici İşlər Nazirliyinin (XİN) rəsmi nümayəndəsi Mariya Zaxarova brifinq zamanı deyib.

"Tarixi perspektivdə bu iki ölkə arasında münasibətləri yaxşılaşdırmaq istəyən bir ölkə olaraq bizim tərəfimizdən az iş görülməyib. Bu məqsədlə tərəflərin xüsusi nümayəndələr təyin etməsi münasibətlərin normallaşdırılması niyyəti baxımından məntiqli və ağıllı addımdır. Rusiya dəfələrlə vasitəçilik səyləri göstərməyə, bu tənzimləmədə rol oynamağa hazır olduğunu, istənilən şəkildə təmasın təşkil olunmasında vasitəçiliyin reallaşdırılmasının mümkünlüyünü vurğulayıb", - M.Zaxarova deyib.