Şəhid Cabbarxan Hacıağayevin şəhadətindən 40-gün ötdü

Bu gün ordumuzun şəhid əsgəri Cabbarxan Hacıağayev İlham oğlunun şəhidlik zirvəsinə yüksəlməsindən 40 gün ötür. Cabbarxan Hacıağayev aprel ayının 4-də qoşunların təmas xəttində Lələ-təpə uğrunda gedən döyüşlərdə qəhramancasına şəhid olmuşdu.

1996-cı ilin Avqustunda dünyaya göz açan Cabbarxan Hacıağayev 3 bacıdan sonra evin ilk oğul uşaqı idi.   158 nömrəli orta məktəbdə təhsil alan  şəhid Hacıağayev daha sonra təhsilini 3 saylı peşe məktəbində davam etdirir.  Cabbarxan Hacıağayev idmanın "Kunk-Fu” növü ilə də məşğul olub.  Şəhid Cabbarxan Hacıağayev 16- yaşnına qədər məşğulduğu idman növündə 4 dəfə ölkənin ən güclüsü adına layiq görülməyi bacarmışdı.

Onu bütün Azərbaycan tanından səbəb isə onun keçdiyi şərəfli döyüş yolu oldu. Bu gün Lələ-Təpədə Azərbaycan bayrağı dalğalanırsa Cabbarxan və onun kimi şəhid olan Azərbaycan igidlərinə borcluyuq. Vətən və xalq öz şəhid, qəhraman övladlarını heç bir zaman unutmayacaq.

Nəzər Media.az kollektivi olaraq şəhid Cabbarxan Hacıağayevə Allahdan rəhmət yaxınlarına isə səbr diləyirik .