Millət vəkili Novruz Aslanov iki il ərzində deputatlıq fəaliyyəti barədə hesabat verdi

2-02-2022, 21:20

139

Milli Məclisin deputatı iki illik fəaliyyəti ilə bağlı hesabat verib. Deputatın qərargahından Nəzər Media.az-a verilən məlumatı oxuculara təqdim edirik

Novruz Aslanov 86 saylı İsmayıllı Seçki dairəsindən Milli Məclisə seçilmiş deputat olaraq, 2020-2022-ci illər ərzində ünvanına 225 rəsmi müraciət və məktub, bunlardan 201 müraciət vətəndaşlardan daxil olmuşdur. Cəmi 213 rəsmi məktub göndərilmişdir.
Daxil olmuş ərizələrə əsasən 136 deputat sorğusu və məktubu əlaqədar mərkəzi və yerli icra hakimiyyəti orqanlarına ünvanlanmış və bunlara əsasən 56 cavab məktubu daxil olmuşdur. Bu məktublarda ərizəçilərin qaldırdığı məsələlərə münasibət bildirilmiş və həlli zaman tələb edən məsələlər icraata götürülmüşdür. Ərizələrlə yanaşı millət vəkilinin ünvanına onlarla təşəkkür məktubu da daxil olmuşdur.
1020 ailəyə ərzaq, qeyri-ərzaq yardımı, evi yanmış 2 ailəyə müvafiq yardımlar, 68 nəfər ərizəçiyə maddi yardım edilmiş. Onlardan təhsil haqqı, müalicə və digər şəxsi məişət problemlərini göstərmək olar. 25 nəfər rayon sakini Bakı şəhərinə təmənnasız tibbi müayinəyə göndərilmişdir.
KİV ilə sıx əməkdaşlıq edilmiş, qəzetlərdə, internet xəbər agentliklərində və televiziyalarda müsahibə və çıxışları olmuşdur.
Təbii qaz, elektrik enerjisi, yol, içməli su və digər sosial məsələlərə dair müraciətlər də icraata götürülmüşdür. Novruz Aslanov 2020-2022-ci illər ərzində İsmayıllı rayonuna 98 səfər etmiş, İsmayıllı şəhəri ilə yanaşı dağlıq ərazilərdə yerləşən kəndlərdə də səyyar qəbullar keçirilmişdir. Qəbullar bir kənddə keçirilməsinə baxmayaraq yaxınlıqda yerləçən ətraf kənd sakinlərinin də iştirakı təmin olunmuş və seçicilərlə keçirilən görüşlər və qəbullar ümumilikdə 50-ə yaxın kəndi əhatə etmişdir. Qəbulların bir hissəsi rayon rəhbərliyi ilə birgə təşkil olunmuşdur. Bütün görüş və qəbullar pandemiya qaydalarına uyğun təşkil edilmişdir. Videoformatda və telefon əlaqəsi vasitəsi ilə də qəbullar keçirilmişdir.
Bildiririk ki, rəsmi ərizələr ilə yanaşı deputata yüzlərlə şifahi müraciətlər də olmuşdur. Hesabat ilində İsmayıllı rayonunda keçirilən kütləvi tədbirlərdə millət vəkili mütəmadi olaraq iştirak etmişdir.
Ənənəvi olaraq Novruz Aslanovun hər il “İllik Hesabat” jurnalları çap edilir. Bu il də 2 illik deputatlıq fəaliyyəti barədə “HESABAT 2020-2022” jurnalı çap edilmişdir.