"Barselona" rəqibi darmadağın etdi

"Barselona" 3 oyunun uğursuzluğunun əvəzini "Deportivo"dan çıxıb.  İspaniya çempionatında 34-cü turun oyunları keçirilib. Çempionluq uğrunda mübarizə aparan klublar qələbə qazanıblar.

Gecənin ən çox qollu qarşıdurması Deportivoda baş verib. "Barselona” səfərdə "Deportivo"nu doğma azarkeşlər önündə biabır edib. Katalonlar 8 cavabsız top vurub. 8 qolun vurulduğu qarşılaşmada katalonların uruqvaylı ulduzu Luis Suarez 4 qol vurub və 3 məhsuldar ötürmə edib. Suares 21-ci əsrdə İspaniya çempionatında yeganə futbolçudur ki, bir oyunda 7 qolun vurulmasında iştirak edib.


Bu matçda vurduğu 4 qolla Luis Suarez bir mövsümdə "Barselona” üçün qollarının sayını 49-a çatdırıb. O, braziliyalı əfsanə - sabiq futbolçu Ronaldonu qabaqlayıb.

Braziliyalı 1996/97 mövsümündə bir mövsümə 47 dəfə fərqlənib. Digər qarşılaşmada səfərdə "Atletik Bilbao"nun qonağı olan "Atletiko Madrid" rəqibinə 1:0 hesabı ilə qalib gəlib.

Madrid "Real"ı isə öz meydanında "Eybar"ı (3:0) darmadağın edib.

   //ANS Press