Murovun o üzündəki ermənilər - FOTOLAR

24-08-2016, 21:42
304

Murovun o üzündəki ermənilər - FOTOLAR Son zamanlar cəbhənin əksər istiqamətlərində ermənilərin fəallaşması müşahidə olunur. "Kəlbəcər” və "Kəlbəcərlilər”  səhifələrinin yaradıcısı Rəşad Abdullayevin verdiyi məlumata görə, hazırda Kəlbəcər ərazisində hərbi təlimlər keçirilməsi görüntüsü yaradılır: "Sosial şəbəkələr vasitəsilə apardığımız müşahidələr göstərir ki, hazırda ermənilər Kəlbəcər rayonunda təlimlərə cəlb olunublar. Belə ki, artıq  20 gündən artıqdır ermənilər Kəlbəcərdə hərbi təlimlərlə bağlı şəkillər paylaşırlar. Şəkillər daha çox Kəlbəcər rayonunun Qamışlı və Comərd kəndlərinin ərazilərində çəkilir. Həmin ərazidə çəkilən fotolardan görünür ki, hərbi geyimdə, əllərində müxtəlif növ silahlar olan şəxslər müxtəlif təlim hərəkətləri yerinə yetirirlər. Təlimə xeyli sayda qadın da cəlb olunub”.

Amma fotolardan görünür ki, müxtəlif formada təlimlərə qatılanlar heç də hərbçiyə oxşamırlar. Sadəcə görünür rəsmi Yerevan həmin bölgələrdə məskunlaşdırılan əcnəbi ermənilərə belə formalar geyindirib sosial şəbəkədə paylaşmaqla özləri-özlərini aldadırlar. Çünki Azərbəycanda heç kəs bu kimi şəkillərə baxıb bundan əndişələnmir. Əksinə insanların işğal altında olan torpaqlarımızı azad etmək istəyi güclənir.

Həmin şəkilləri təqdim edirik.

   //Modern.az